Suomen bahá'í-yhteisön kansalliset nettisivut.

Hartaustilaisuudet Lastentunnit
Opintopiirit Varhaisnuorten toiminta Miten meistä tuli bahá'íta?

Bahá'í-osku  oanehaččat

Leat Bahá'í oaivvilda dan, ahte geahččala bálvalit olmmošgotti ja bargá ráfi ovddas. Bahá'í-oskku oainnu mielde máilmmiráfi ii leat dušše vejolaš, baicce dan ii sáhte garvit. Bahá'í-osku oahpaha, ahte Ipmil sádde iešguđege áiggis ja báikkis dárbbašuvvon veahki ja sátneguoddi; nugo Abraham, Mooses, Jeesus, Krishna, Buddha, Zarathustra, Muhammed, Báb ja earát, geain eai leat báhcán čálalaš dieđut historjái. Bahá'í-oainnu mielde Bahá'u'lláh lea dássážii maŋimuš Ipmila sátneguoddiin ja su oahput bálvalit aiddo dán áiggi olmmošgotti ja máilmmi. Vaikke ain leat olu buncaraggát, olmmošgoddi lea rávásmuvvagoahtán ja buot olbmuin leat alddiineaset návccat guorahallat ja gávdnat dan vuoiŋŋalaš láidesteami, man vehkiin olmmošgoddi sáhttá ovttastuvvat.

Bahá'í-oskku vuođđudeaddji Bahá'u'lláha mielde ođđa oskku bargun leage aiddo fállat čovdosiid iežas áiggi váttisvuođaide ja ovddidit čuvgehusa, mii dađistaga áhtanuššá. Báhá'í-oskku vuođđoárvvuide gullet almmáiolbmo ja nissonolbmo dásseárvu, ovdagáttuin luohpan ja iehčanas jurddašeami doarjun, diehtaga ja oskku soabalašvuohta, luonddu gudnejahttin ja oktasaš čovdosiid gávdnan ráđđádallama bokte.

Bahá'í-oskkus lea boahtán badjelaš 150 jagis máilmmi nubbin eanemusat leavvan osku. Máilmmi viidosaš Báhá'í-servošii gullet badjel guhtta miljovnna olbmo 2100 sierra šearddas ja álbmogis. Báhá'í-osku fállá áidnageardánis málle oktavuođas ja hástala dutkat ja ovddidit vuođđudeaddjis Bahá'u'lláha jurdaga "eanaspabba lea okta eana ja olmmošgoddi dan álbmot".

Lassidieđut:

info(a)bahai.fi